Nuk pati fitues në derbin e Italisë ndërmjet skuadrës së Milanit dhe Interit. Në “San Siro” përfundoi gjithçka në barazim 1-1, rezultat i cili u vulos në pjesën e parë të takimit. Në këtë përballje pati shumë “luftë” por jo fitues. Interi kaloi në avantazh me ish-futbollistin e Milanit, Hakan Çalhanoglu nga pika e bardhë e penalltisë teksa për baraspeshën mendoi mbrojtësi i zikaltërve i cili në tentativë për të larguar topin e dërgoi në portën e tij teksa Handanoviç e pati të pamundur të devijonte atë top.
Në pjesën e parë Interi fit0i një tjetër penallti por Lautaro Martinez gaboi përballë portierit Tatarusanu i cili u kthye në heroin e kuqezinjve. Në fraksionin e dytë të dyja skuadrat krijuan shumë raste por nuk ia dolën të shënon golin e fitores. Milanin ngjitet në vendin e parë në renditje ndërsa Interi e sheh veten 7 pikë larg kreut.
Discussion about this post