Këngëtari shqiptar, Gjon Karrica, i njohur për publikun si Lugati, është shfaqur së fundmi në një gjendje jo të mirë shëndetësore.
Artisti nga Gjakova në një fotografi të publikuar në Instagram është parë në karrocë dhe me krahun e thyer.
Ky imazh u publikua fillimisht nga stilisti i flokëve, Kaci Lleshi, i cili thotë në përshkrim: “Ti je i fortë edhe këtë sfidë shumë shpejt e kalon”.
Detaje të tjera nuk janë dhënë në lidhje me atë se çfarë ka ndodhur me Lugatin, apo nëse po përballet me ndonjë sëmundje.
Ndërkohë sipas Prive-s, ish-banori i Big Brother VIP Kosova është duke kaluar një episod të humbjes së vetëdijes, çka i ka shkaktuar lëndime trupore.
Gjoni thuhet se po merr trajtimin e nevojshëm mjekësor në Zvicër dhe po i kalon ekzaminimet e nevojshme mjekësore për t’u rikthyer në formë.
Ai mori vëmendje të madhe sivjet me pjesëmarrjen në edicionin e parë të Big Brother.
Discussion about this post