Ditën e sotme Arsenal do të ndeshet me West Ham për takimin e raundit të 17 të Premier League, në një takim që pritet të jetë goxha sfidues për vendasit.
‘The Gunners’ ndodhen në vend të 6 të tabelës me 26 pikë, teksa kundërshtarët e tyre të këtij takimi qëndrojnë të 4 me 28 pikë.
Përtej kësaj vëmendja kryesore për tifozerinë shqiptare është nëse Granit Xhaka do të rikthehet në vendin e tij, atë të liderit të skuadrës.
Rikujtojmë se mesfushori shqiptar kishte disa javë që qëndronte jashtë fushës së blertë për shkak të një dëmtimi, ndërsa së fundmi u kthye dhe tregoi një formë shumë të mirë.
Me heqjen e shiritit të kapitenit Aubameyang, vendim i justifikuar nga klubi për shkak të sjelljes së lojtarit, tani mundësitë janë shumë të larta për shqiptarin që të marrë vendin që i takon në skuadër.
Megjithatë nëse Granit Xhaka do të jetë në formacion apo kapiten i ndeshjes që do të luhet mbrëmjen e sotme në orën 21:00, do të mësohet pak para fillimit të saj./K.T/Gijotina.com
Discussion about this post