Spanja sfidon Greqinë në ndeshjen ndeshjen e vlefshme për grupin B në kualifikueset e kampionatit Botëror. Iberikët synojnë vendin e parë në grup dhe shpresojnë tek ndalesa e Suedisë. Trajneri Luis Enrike ka theksuar se presioni është shumë i madh dhe se orari i ndeshjes i Suedisë duhej të ishte i njëjtë.
“Greqia ka ndryshuar skemë nga ajo që u përballëm në fushën tonë. Kanë pasur përmirësime në lojë e rezultate dhe mendoj se do të gjejmë një rival të motivuar, por objektivat tanë janë të qartë.
Kam shumë fat, sepse ekipi është stërvitur mjaft mirë. Jam shumë i qetë. E ndiej veten me fat që jam trajneri i 50-60 lojtarëve të klasit ndërkombëtar.
Luis Enrike në vetvete është presion, kështu kam qenë gjithnjë. Kam lindur nën presion, jam mësuar.
Ne duhet të jemi të përgatitur për çdo situatë në lojë. Mendoj se Greqia ka objektivat e saj, mendojnë edhe për “play off”-in, ndaj shoh një përballje të bukur përpara.
Objektivi madhor që kemi na bën të tejkalojmë edhe vështirësitë që janë të pranishme. Kemi lojtarë të rëndësishëm, të cilët janë të dëmtuar, por mungesa e tyre është një shans për të tjerët. Personalisht jam shumë pozitiv, do t’i fitojmë të dyja takime.
Personalisht do t’i kisha përzgjedhur që të dyja takimet, yni dhe i Suedisë të luheshin në të njëjtin orar. Lojtarët i kam këshilluar që të mos e shohin takimin e Suedisë”, deklaroi trajneri Enrique.
Discussion about this post