Kampionia shqiptare Luiza Gega shkoi në finale me kohën më të mirë të regjistruar në fazën kualifikuese dhe ishte pretendente kryesore për të fituar garën. Këtë e tregoi duke diktuar ritmin dhe duke marrë kryesimin që pas 100 metrave të parë.
Atletja që i dha zë zë Evropës me flamurin shqiptar në pistën e atletikës, u urua nga figura të njohura të politikës, mes të cilëve i pari Kryeministri Edi Rama.
Edhe shqiptari Eklent Kaçi, bilardisti kampion bote dhe Evrope gjithashtu uroi kolegen me fjalët më të mira për arritjen, por nga ana tjetër drejtoi një pyetje për kryeministrin Rama.
I riu kurbinas nuk ka heshtur dhe ka bërë një postim në rrjetet sociale, duke etiketuar vetë kryeministrin Rama.
“Shumë urime Luiza Gega, kampione Evrope. Unë kampion bote, kampion Evrope, duke përfaqësuar Shqipërinë denjësisht për shumë vite me shpenzime personale. Nuk meritojmë respekt Edi Rama, apo bilardo…”, shkruan Kaçi në postimin e tij, shoqëruar me foton e kampiones Luiza Gega.
Discussion about this post