Luizi tregohet i sinqertë me Kiarën

Luizi dhe Kiara që në spektaklin e të martës nuk e sqaruan dot konfliktin që kishin me njëri-tjetrin, madje as në ditët më pas.

Por, dje në mbrëmje, Luizi i shkoi Kiarës te krevati dhe i kërkoi falje.

Luizi i tha asaj se nuk do të donte ta vinte kurrë në atë pozitë dhe se është personi i fundit që do t’i bënte keq.

Ai tha gjithashtu, se nuk do përsëritet më kurrë e njëjta situatë, pasi ai e dashuron dhe nuk ka synimin ta lëndojë atë, përkundrazi ka momente kur situatat brenda shtëpisë bëhen problematike dhe Kiara nuk e kupton që ai është një konkurrent që lufton fort.

Por Kiara i tha se ka frikë që ai do ta përsërisë të njëjtën gjë.

“Më fal, me gjithë shpirt. Je personi i fundit që dua të vendos në këtë pozitë. Më vjen keq me gjithë shpirt për atë që ndodhi”, i tha Luizi.

“Nuk po të besoj më. Më duket sikur do përsëritet e njëjta gjë. Nuk e kam të lehtë ta kaloj këtë gjë. Jam ndjerë shumë keq.

Nuk e di se sa kohë më duhet të reflektoj e ta kaloj. Nuk është vetëm me një më fal. Pse durove kaq gjatë për të thënë këtë gjë?

Vetëm ideja që më ke parë keq, duhet ta thoje, jo dy ditë më vonë”, iu përgjigj Kiara.

info24