Kryetari i Partisë Demokratike, Lulzim Basha ka ironizuar deklaratat e Sali Berishës se në ambientet e selisë së blu kishte persona të armatosur.
Me nota ironie, kryedemokrati u shpreh se i evidentuam edhe ne, Jorida Tabaku dhe Ina Zhupa ishin me kallashnikov. Lulzim Basha u shpreh se pas 16 vitesh, Berisha nuk e meriton më të që ndihmohet nga asnjë demokrat.
“Nuk di ç’të bëjë më, e ka futur veten në një rreth vicioz. As nuk dua ta ndihmoj më pas 16 vitesh. Nuk e meriton të ndihmohet nga asnjë demokrat.
Po i evidentuan edhe ne, Jorida Tabaku dhe Ina Zhupa ishin të armatosura me kallashnikov, ndërsa Endri Hasa u kap në flagrancë në praninë e një mortaje të kalibrit të rëndë. Flutura Acka kishte marrë me vetë vetëm një pistoletë me silenciator” – tha Basha.
Po ashtu Basha thotë se ka nga ata persona, mbështetës të Berishës, të cilët kanë dalë për fushatë për PS, me qëllim për ti hequr votat PD.
“Për të bërë diferencën mes të shkuarës dhe të nesërmes. Nga barra e të shkuarës që na vinin shkopinjtë nën rrota që në 2013, që disa prej tyre dolën për fushatë për PS për ti hequr votat PD” – tha Basha.
Discussion about this post