Ndërsa në Kuvend vazhdojnë debatet mes mazhorancës dhe opozitës për nivelin e borxhit publik, kryedemokrati ka dalë me reagim të fortë ndaj qeverisë. Përmes një postimi në Twitter Basha publikon të dhënat e BB, BERZH dhe World Justice Poject të cilat e rendisin Shqipërinë si një nga vendet me korrupsionin më të lartë në botë. Konkretisht, në raportet e tyre BERZH dhe BB e kanë renditur Shqipërinë të dytën për nivelin e ryshfetet. Ndër të tjera, Basha evidenton se kjo gjendje katastrofike në vendin tonë vjen për shkak se në Shqipëri nuk sundon ligji por qeveria mbi ligjin.
“Madje në të dhënat e publikuara, tregohet se ne jemi pothuajse njëjt me Afganistanin për sa i përket sundimit të ligjit. “Renditja e Shqipërisë sipas World Justice Poject si dhe BB dhe BERZH:
Sundimi i ligjit: Midis Kazakistanit dhe Afganistanit. Indeksi i Korrupsionit: Midis Egjiptit dhe Zambisë
Niveli i ryshfetit: Midis Zambisë dhe Marokut”, shkruan Basha.
Në përfundim ai shkruan se, nevojitet vendosmëri për t’u përballur me autokratët e korruptuar të Ballkanit Perëndimor. Sakaq, kujtojmë se pak dite më parë FMN prezantoi raportin e saj për Shqipërinë, përmes të cilit evidentonte se kemi bërë hapa pozitivë në disa fusha por korrupsionin vijon të mbetet në nivele shqetësuese.
