Lulzim Basha u shpreh pas përfundimit të mbledhjes së Kryesisë së grupit parlamentar se opozita do të nisë ofensivën kundër qeverisë me tre komisionet hetimore.
Gjithashtu, Basha i dërgoi një mesazh institucioneve të drejtësisë, gjykatave dhe prokurorive që të bëjnë detyrën e tyre.
Kreu i opozitës, u ndal edhe tek rritja e çmimit të bukës dhe produkteve të tjera të shportës, ndërsa u shpreh se PD nuk do të rrijë vetëm në rrafshin e denoncimeve por është në parlament për kthimin e legjitimitetit dhe demokracisë.
“Sot INSTAT ka publikuar të dhëna që cdo prind e prek në tavolinën e bukës, kjo është varfëria ekstreme nga rritja galoponte e çmimeve dhe vazhdoi me të tjerat në tërësi, por edhe gazit, naftës, energjisë dhe ujit, e kështu me radhë. Nuk mund të rrimë në rrafshin e denoncimit edhe pse fajtori dihet, politikat zhvatëse. Në cdo aspekt paratë i çon nga qytetarët te këto xhepa dhe për të goditur këtë sjellje dhe për të sjellë një lehtësim, grupi i PD-së do të depozitojë një propozim për të vendosur uljen e TVSH-së mbi mallrat e shportës ushqimore nga 20-6%, për të gjitha ato mallra që afektojnë jetën e përditshme të qytetarëve. Nuk është thjesht një propozim politik, por një hap i domosdoshëm për të ndihmuar njerëzit në nevojë ekstreme. Ky është edhe një veprim politik, me forcën që shqiptarët na kanë dhënë ne do të kërkojmë uljen e TVSH-së duke provuar qartë se ky shtet, e ka mundësinë që duka ua hequr paratë, një grushti njerëzve dhe t’u shërbejë 97% të shqiptarëve për këtë krizë të thellë ekonomike përmes rritjes së çmimeve bazë. E dyta ka të bëjë me atë pse jemi në parlament ne, kthimit të legjitimitetit dhe tre komisionet do të targetojnë; i pari masakrën zgjedhore, që nga sistemi kriminal i patronazhistëve, tek keqpërdorimi i fondit të tëermetit, legalizimet dhe punësimet. I treti është për cështjen Beccheti, që shqiptarëve u duhet të paguajnë 120 milionë euro. E treta ka të bëjë me inceneratorët. Këto janë fillimi i ofensivës parlamentare. Kam edhe një mesazh për drejtësinë që të bëjë punën e saj, pasi nëse do të ishte në lartësinë e saj, shumica e këtyre cështje do të kishte të pandehur me pranga në duar” deklaroi Basha.
Edhe kësaj rradhe kreu i opozitës, Lulzim Basha nuk pranoi t’i përgjigjet pyetjeve të gazetarëve.
