Tragjedia në spitalin e Tetovës tre ditë më parë, nga një shpërthim me lëndë plasëse i cili shkaktoi 14 viktima pacientë të spitalit, ka sjellë “frikë” në zyrtarët e shëndetësisë të cilët në një farë mënyrë bojkotojnë përgjegjësinë ndaj kësaj ngjarjeje të rëndë.
Pas dorëheqjes së ministrit të shëndetësisë së Maqedonisë së Veriut, uniformën e dtyrës e ka lënë edhe ministry Venko Filipçe, I cili në një dalje për shtyp para pak çastesh para selisë së qeverisë, ka bërë me dije dorëheqjen e tij.
Dorëheqja e tij vjen pas tre dorëheqjeve paraprake pasditen e sotme, atë të dy drejtorëve të spitalit të Tetovës dhe zëvendësministrit të tij, Ilir Hasani.
Edhe ai si të gjithë kolegët e tij të dorëhequr, e justifikon atë me përgjegjësitë morale që ai mban si ministër.
Ngjarja
Spitali Covid, për trajtimin e të sëmurëve me koronavirus në Tetovë, u përfshi nga flakët. Shpejtësia e lartë e zjarrit, përpiu shumë shpejt dhomat ku ishin shtruar të sëmurët duke mos i dhënë asnjë mundësi reparteve zjarrfikëse që të ndërhynin.
Përveç ekipeve të zjarrfikësve, në vendin e ngjarjes kishte edhe turma të shumta qytetarësh të cilët kishin ardhur për të kontrolluar gjendjen e familjarëve të tyre të shtruar në këtë godinë.
Deri më tani nuk ka një shkak zyrtar të zjarrit në spitalin e Tetovës, edhe pse flakët në repartet Covid janë një fenomen i shpeshtë në të gjithë botën që prej fillimit të pandemisë. Dyshimet më të mëdha mbeten tek shpërthimi i bombolave të gazit ose oksigjenit.
Ndonëse bilanci i viktimave ka ndryshuar përgjatë orëve, deri më tani, sipas Prokurorisë Themelore Publike të Maqedonisë së Veriut, janë konfirmuar 14 viktima, ndërsa thuhet se në mesin e tyre nuk ka nga stafi mjekësor. Ndër të tjera bëhet e ditur se numri i viktimave edhe mund të rritet, kurse disa prej të vdekurve do të analizohen për të përcaktuar identitetin e tyre.
Mes gjithë kësaj tragjedie, kanë dalë edhe lajme të mira, ku 12 pacientë janë nxjerrë të gjallë nga spitali i djegur. Mediat maqedonase shkruajnë se pacientët e mbijetuar janë jashtë rrezikut për jetën dhe janë çuar për shërim në disa spitale të tjera deri në Shkup.
Kjo më pas u bë biseda e të gjithë politikanëve, jo vetëm shqiptarë, por edhe të huaj, të cilët shprehën ngushëllimet e tyre për familjarët dhe miqtë e viktimave.
Inspektimi do të vazhdojë edhe sot, dhe prokurorët publik, së bashku me ekspertët e MPB-së, do të japin provat për zbardhjen e plotë të ngjarjes tragjike / Gijotina.com
