Lumi Osum rrezikon të dalë nga shtrati nëse reshjet e shiut vazhdojnë me këtë intensitet të lartë edhe gjatë natës. Sipas Shtabit të Emergjencave në Prefekturën e Beratit, prurjet e lumit Osum në Urën e Varur në Berat dhe në Urën e kanë kaluar pragun e ulët dhe të mesëm dhe janë në tendencë rritje 5 cm në çdo 15 minuta.
Si rezultat i motit të keq dhe reshjeve 13 fshatra kanë mbetur nën terr për shkak të dëmtimeve në rrjetin elektrik. Bëhet me dije se janë pa energji elektrike: fshatrat Perondi e Kozare në bashkinë Kuçovë, fshatrat Cukalat, Pobrat e Poshnje në bashkinë Dimal, fshatrat Vërtop, Tomorricë e Vërtop në bashkinë Poliçan, fshatrat Potom, Gjerbës , Leshnje e Tomorr në bashkinë Skrapar dhe fshati Tërpan në bashkinë Berat. Ndërkohë, OSHEE konfirmon se të gjitha ekipet janë në terren, por reshjet e shiut që vazhdojnë pa ndaluar e bëjnë të pamundur ndërhyrjen për riparimin e linjave elektrike.
Discussion about this post