Ka përfunduar numërimi i votave edhe në bashkinë e Lushnjës ku fitues i zgjedhjeve të pjesshme me 20904 vota u shpall kandidatja e Partisë Socialiste, Eriselda Sefa. Në vendin e dytë u rendit kandidati i Shtëpisë së Lirisë, Elton Bano me 10983 vota, teksa në vendin e tretë me 3692 vota u rëndit kandidati i PD-së, Indrit Sefa.
Pas fitores, Sefa dha një deklaratë për mediat në krah të kreut të grupit parlamentar të PS, Taulant Balla, ku tha se i është mirënjohëse qytetarëve për votën që i dhanë.
“Mirënjohje për qytetarët e Lushnjes dhe falënderime për ata që monitoruan procesin zgjedhor. Alternativat qe shpreha gjatë fushatës do të vihen në zbatim gjatë këtij viti, por dhe për qytetarët që nuk më mbështetën, iu them që do ta kenë derën e Bashkisë të hapur dhe ju jam mirënjohëse për këtë votëbesim”, tha Sefa.
Pas Vorës dhe Rrogozhinës, Lushnja është një tjetër fitore për PS, ndërsa pritet të shpallet rezultati për bashkitë Shkodër, Dibër dhe Durrës.
Discussion about this post