Ekipi U-11 i Akademisë “Bashkimi” në Shkodër ka zbritur në fushë për ndeshjen e radhës të kampionatit rajonal Shkodër, ndaj ekipit Atletic Club, me moton: Ne jemi me ty Mateo, lutemi për ty.
Në shenjë sensibilizimi të rastit të rëndë në Fier, fëmijët e dy ekipeve mbajtën 1 minutë heshtje.
“Fëmijët kanë të drejtat e tyre dhe askush nuk mund t’i prek ato. Shpresojmë që shteti shqiptar të marrë masat e duhura dhe mos të përsëriten më. Zoti të mëshiroftë ëngjëll i vogël” – është mesazhi që përcjell në “Facebook” ekipi i Bashkimit.
Ngjarja makabër e regjistruar në Fier ka tronditur të gjithë opinionin në vendin tonë, ku ka pasur sensibilizim dhe mbështetje ndaj familjarëve të 8-vjeçarit nga të gjitha grupmoshat. Por, këtë herë mesazhi është më i veçantë, pasi vjen nga moshatarë të Mateos.
Discussion about this post