Përtej sulmeve terroriste ditën e sotme, Franca do të vijojë operacionin për evakuimin e personave në Kabul. Kështu është shprehur presidenti francez Emanuel Macron.
“Presidenti i republikës dënon me tone të ashpra sulmet terroriste që ndodhën sot pranë aeroportit të Kabulit. Presidenti shpreh ngushëllimet e tij për familjet e viktimave amerikane dhe afgane, shpreh mbështetjen e tij për të plagosurit dhe përshëndet heroizmin e atyre që janë në terren për të kryer operacionet e evakuimit .Franca do t’i vazhdojë evakuimet deri në fund dhe do t’i vijojë përpjekjet e saj humanitare dhe mbrojtëse për afganët e kërcënuar.”
