Macron, Scholz dhe Meloni letër Kurtit/ Ja çfarë i kërkohet

Një letër nga tre liderët më të fuqishëm evropianë ka mbërritur në zyrën e Kurtit, raportojnë mediat në Kosovë, referuar burimeve.

Letra mban firmat e Presidentit francez Emmanuel Macron, kancelarit gjerman Olaf Scholz dhe kryeministres italiane Giorgia Meloni dhe përmes saj i kërkohet Kryeministrit Albin Kurti de-përshkallëzim të tensioneve në veri.

Letra është e ngjashme me përgjigjen e Përfaqësuesi të Lartë për Politikë të Jashtme të BE-së, Josep Borrell për Kurtin që u publikua dje, mirëpo jo me kërkesa të detajuara.

Qeveria e Kosovës nuk ka dërguar një njoftim deri tani për letrën e pranuar e as përmbajtjen e saj.

Ndërkohë, letra e Borrell përmbante kërkesa konkrete për Kurtin, duke i kërkuar tërheqjen e dy kryetarëve në veri nga zyrat komunale, tërheqjen e policisë nga prania para komunave dhe shpalljen e zgjedhjeve të parakohshme.