Ikja e të rinjve në emigrim u diskutua gjatë emisionit “Më Lër të Flas” në TCH, ku i ftuar ishte Armando Kllogjeri, i njohur si Maestro i BB VIP.
Tenori u shpreh se “të shikosh këto shifra largimesh është e frikshme”.
“Ata kanë një model që i frymëzon për të ikur. Shohin një deputet ministër që pasurohet shumë shpejt. Në fund fare ne që punojmë ndershmërish paguhemi shumë pak. Kur të dalim në pension a do të kemi para për të marrë?!”, deklaroi ai.
Kllogjeri tregoi edhe sa paguhet pranë teatrit Kombëtar të Operas.
“Jam kthyer për të jetuar pranë njerëzve të mi dhe familjes sime. Ne në fakt këtë vit kishim një fat të madh që na u rrit paga. U zgjuam në mëngjes dhe thamë që paska një gjë të vërtetë. Unë paguhem 1.2 milionë lekë të vjetra”, shtoi më tej Maestro.
Discussion about this post