Majko: Në veriun e Kosovës po zhvillohet “skenari” i Donbasit

Ish-kryeministri shqiptar, Pandeli Majko, ka reaguar për situatën e tensionuar në veri të Kosovës.

Në një postim në Facebook, Majko shprehet se Serbia ka filluar një “lojë” të vjetër në kushte të “reja” me Perëndimin. Ai shton se në veriun e Kosovës po zhvillohet “skenari” i Donbasit në Ukrainë”.

Majko bën thirrje për të mos nënvlerësuar Aleksandër Vucic.

“Serbia ka filluar një “lodër” të vjetër në kushte të “reja” me Perëndimin.

Në veriun e Kosovës po zhvillohet “skenari” i Donbasit në Ukrainë.

Asnjëherë, nuk duhet nënvlerësuar dikush që mbivlerëson veten. Në këtë rast, ai quhet Aleksandër Vucic!”- shkruan Pandeli Majko.