Prej afro një muaji në zonën e Saukut të Vjetër qarkullon i lirë një një majmun. Qytetarë të ndryshëm kanë denoncuar në rrjete sociale këtë situatë, duke u shprehur të frikësuar se mos i sulmon, teksa kafsha është parë duke u kacavjerrë edhe nëpër banesa e po ashtu duke ecur i lirë në rrugë.
Së fundmi ai ka hyrë edhe në Qendrën e Përkujdesit Për Të Moshuar në Saukun e Vjetër, duke vënë në rrezik edhe moshat e treta.
Pjesëtarë të stafit të Qendrës së Përkujdesit Për Të Moshuar shprehen të shqetësuar dhe të frikësuar për praninë e kafshës, teksa thonë se kanë kërkuar zgjidhje edhe nga policia e rendit dhe ajo bashkiake, por askush nuk merr masa për të kapur majmunin. Banorët kërkojnë ndërhyrjen e autoriteteve për zgjidhjen e situatës.
Ndërkohë është e paqartë se kush është pronari i majmunit, ndërsa nga bashkia mohohet që ai të ketë dalë nga kopshti Zoologjik.
Discussion about this post