Makina del jashtë rruge në Korçë, plagoset shoferi

Një aksident me një të plagosur është shënuar në aksin rrugor Korçë-Pogradec, në afërsi të fshatit Lumalas.

Drejtuesi i një mjeti tip “Ford” ka humbur kontrollin e për pasojë, ka dalë jashtë saj duke u përplasur me barrierat mbrojtëse dhe përfunduar në anë të rrugës.

Paraprakisht, mendohet që shkak i aksidentit të ketë qenë shpejtësia tej normave të lejuara dhe lagështia në rrugë.

Burime nga spitali rajonal i Korçës bëjnë me dije se drejtuesi i mjetit ka fraktura dhe lëndime por është jashtë rrezikut për jetën.