Një aksident i rëndë me pasojë vdekjen ka ndodhur këtë të enjte në Çagllavicë të Kosovës, kur mjeti me të cilin po udhëtonte një 35-vjeçar doli nga rruga për arsye ende të panjohura. Mësohet se drejtuesi 35-vjeçar ka ndërruar jetë në vendngjarje.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila ka bërë të ditur se në aksident ka qenë i përfshirë një automjet me targa të huaja.
Njoftimi i Policisë:
Rreth orës 04:40 kemi pranuar informatën se në Çagllavicë, ka ndodhur një aksident trafiku me pasoja fatale. Si pasojë e aksidentit lëndime të rënda trupore ka pësuar një person, i cili nuk kanë arrit të përballojnë plagët dhe i njëjti ka ndërruar jetë. Vdekjen e tij e ka konstatuar ekipi mjekësor në vendngjarje. Trupi i viktimës: A.A mashkull, 35 vjeç, është dërguar për obduksion në Institutin e Mjekësisë Ligjore. Ndërkohë, me hetimin e rastit po merret njësiti i trafikut.
Discussion about this post