Janë zbardhur emrat e personave që mbetën të plagosur nga aksidenti i rëndë në aksin Lezhë-Shkodër, ku një person humbi jetën dhe 4 të tjerë morën plagë të rënda. Mësohet se të plagosur nga aksidenti kanë mbetur anëtarët e një familje, konkretisht prindërit dhe dy vajzat, ata janë: Artur Behri, Ardita Behri, Olsa Behri dhe Fiona Behri, e cila ishte edhe drejtuese e mjetit.
Ndërkohë viktimë e këtij aksidenti mbeti Ikbale Kraja.
Kujtojmë se 20-vjeçarja me iniciale F.B., duke drejtuar automjetin tip “Renault” ka humbur kontrollin e më pas ka dalë nga rruga. Si pasojë ka ndërruar jetë 73-vjeçari I.K. i cili ishte pasagjer në makinë. Gjithashtu janë lënduar edhe 3 pasagjerët e tjerë, shtetasi A.B. 53 vjeç, A.B. 43 vjeç dhe O.B. 19 vjeçe.
Ata janë dërguar me urgjencë në spitalin e Lezhës ku po marrin ndihmën e parë mjekësore.
Grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit.
Discussion about this post