Makina e policisë përplaset me një tjetër mjet në Maliq-Pogradec, lëndohet efektivi i rrugores

Përplasen dy mjete në aksin rrugor Maliq – Pogradec.

Ngjarja ka ndodhur në afersi të fshatit Çërravë kur një mjet tip “Volwagen” teksa po udhëtonte nga Korça në drejtim të Pogradecit ka goditur një mjet të policisë brenda së cilës ishte dhe një punojës policie.

Sipas uniformave blu mjet tip “Volwagen ‘ka kryer një manovër të gabuar duke i prerë rrugën dhe krejt papritmas është përplasur me mjeti e policisë

Nga goditja ka mbetur i plagosur oficeri i policisë rrugore, i cili ndodhet në spitalin e Korçës për ndihmë mjekësore

Burime pranë këtij spitali bëjnë se efektivi i policisë nuk ka probleme për jetën.

Nga ana tjetër policia ka shoqëruar në komisariatin e Pogradecit drejtuesin e mjetit tip “Volkswagen” ku po pyetet për rrethanat e ketij aksidenti.

Njoftimi i policisë

Mëngjesin e sotëm, në aksin rrugor “Korçë-Pogradec”, në fshatin Çërravë, automjeti tip “Mitsubishi” me drejtues shtetasin R. F., 61 vjeç, banues në Çërravë, është përplasur me automjetin e Policisë Rrugore, tip “Volkswagen”, me drejtues punonjësin e policisë në detyrë, shtetasin M. K.

Si pasojë e aksidentit është plagosur shtetasi M. K., i cili ndodhet për mjekim në spital.

Me shtetasin R. F., po kryhen veprimet e mëtejshme procedurale, ndërsa grupi hetimor po punon për sqarimin e rrethanave dhe përcaktimin e shkakut të aksidentit.