Temperaturat e ulëta dhe shtresat e akullit në rrugën e përshkrueshme nga automjetet janë bërë shkak për regjistrimin e dy aksidenteve, në pak minuta, në zonën e quajtur ‘Pishat’, në aksin rrugor Bulqizë- Fushë Bulqizë.
Një nga automjetet e llojit ‘Suzuki’ raportohet se ka dalë nga rruga, ndërsa aksidenti ka rezultuar me dëme më të mëdha për mjetin tip ‘Fuoristradë’, i cili është kthyer përmbys. Nuk raportohet për dëme në njerëz, por vetëm materiale. Ky aks rrugor shfaqet problematik për shkak të ngricave që krijohen në dimër, si pasojë e temperaturave të ulëta. Ndonëse çdo vit jepen tendera për mirëmbajtjen e rrugëve dhe menaxhim e kësaj situate, duket se aksidentet nuk evitohen, pasi rrugët nuk pastrohen siç duhen.
Discussion about this post