Një aksident i rëndë ka ndodhur në afërsi të fshatit Vrinë, Bashkia Konispol. Një automjet që vinte nga Greqia, me dy shtetas të huaj në bord, ka përfunduar në kanalin e Butrintit.
Drejtuesi i mjetit duket se nuk e ka parë kthesën që të çon në vendin e quajtur “Lundra” dhe ka përfunduar në kanal. Menjëherë banorë të zonës që kanë parë skenën, janë hedhur në ujë duke nxjerrë nga automjeti që po fundosej një çift të huajsh.
Banorët u kanë dhënë ndihmën e parë duke i nxjerrë nga uji. Ata janë identifikuar si Onno J Van Helden 53 vjeç nga Holanda dhe Dajana Murai 34 vjeç nga Brazili. Sipas informacioneve paraprake, gjendja e 53-vjeçarit paraqitet kritike, ndërsa e 34-vjeçares më e stabilizuar.
Discussion about this post