Makina përfundon në kanal në Lushnjë, plagoset polici

Një mjet me targa AA 907 OI “Fiat Panda” ka dalë nga rruga dhe ka përfunduar në kanalin vaditës përgjatë rrugës.

Drejtuesi i mjetit është dërguar me urgjencë ne spitalin e Lushnjes. Automjeti drejtohej nga polici 56- vjeçar Gëzim Rrahmanaj, i cili pas dëmtimeve në trup është dërguar me urgjencë drejt Spitalit të Lushnjës, ku ndodhet nën kujdesin e mjekëve.

Mjeti ka dalë nga rruga në aksin rrugor Pushimi i Shoferit-Divjakë, në vendin e quajtur pishat e Babunjës.

Policia është në vendngjarje për të zbuluar shkaqet e aksidentit.

Sipas banorëve të zonës që e ndihmuan drejtuesin e mjetit të dilte prej tij, gjendja shendetesore e të lënduarit fatmirësisht nuk është e rëndë.

Kjo pjesë e rrugës për në Divjakë është piktoreske, por me shumë kthesa.

Rreth një vit më parë një i ri humbi jeten kur mjeti i tij përfundoi në kanalin përbri rrugës.

 

View this post on Instagram

 

A post shared by Gijotina (@gijotina)