Një aksident ka ndodhur në Pogradec ku një makinë është përplasur me një biçikletë. Mësohet se, aksidenti ka ndodhur rreth orës 13:50, në aksin rrugor Pogradec-Buçimas, ku S. V., banues në Tiranë, duke drejtuar mjetin tip “Volkswagen”, ka aksidentuar biçiklistin E. H., rreth 60 vjeç, banues në fshatin Buçimas.
Nga aksidenti i rëndë, ky i fundit është dërguar në Spitalin e Pogradecit dhe ndodhet jashtë rrezikut për jetë nën kujdesin e mjekëve.
Nga ana tjetër, drejtuesi i mjetit ndodhet i shoqëruar në Komisariat ku po kryhen veprimet e mëtejshme procedurale. Grupi hetimor po punon për sqarimin e rrethanave të ngjarjes.
Discussion about this post