Makina përplas këmbësorin në Shkodër, 61-vjeçari në gjendje të rëndë (Emrat)

Një aksident ka ndodhur rreth orës 17:40, në aksin rrugor Kryebushat-Vau Dejës, një automjet me drejtues 59-vjeçarin, Ndue Kolaj banues në Lezhë, ka përplasur këmbësorin Francesk Lukaj, 61 vjeç, banues në Stajkë të Vaut të Dejës.

Francesk Lukaj aktualisht ndodhet në Spitalin Rajonal Shkodër, nën kujdesin e mjekëve. Burime për Gijotina.com, bëjnë me dije se Lukaj është në gjendje të rëndë dhe ndodhet në reanimacion.

Grupi hetimor po punon për sqarimin e rrethanave të plota të aksidentit.