Një automjet tip Seat ka përplasur një motoçikletë në aksin nacional Berat-Dimal, në fshatin Moravë. Drejtuesi i motoçikletës, 65-vjeçari me inicialet R.A është përplasur në asfaltin e rrugës dhe për pasojë ka marrë plagë të shumta në trup.
I plagosuri është transportuar drejt Spitalit Rajonal Berat, ku ndodhet nën kujdesin e mjekëve, jashtë rrezikut për jetën, ndërkohë që drejtuesja e automjetit tip Seat, 50-vjeçarja me inicialet Sh.A, është shoqëruar në polici, ku edhe po jep deklaratën e saj rreth ngjarjes.
Në vendngjarje kanë shkuar forca të shumta të policisë rrugore dhe ekspertë, të cilët po punojnë për zbardhjen e shkaqeve dhe dinamikës së ngjarjes.
Paraprakisht mendohet se shkak për aksidentin është bërë motoçikleta që në përpjekje për të kaluar nga njëra anë e rrugës në tjetrën i ka prerë rrugën makinës.
Discussion about this post