Një aksident është shënuar mëngjesin e sotëm në Kuçovë, ku një makinë përplasi një motoçikletë. Mësohet se, ngjarja ndodhi rreth orës 10:15, në vendin e quajtur rrethrrotullimi Kuçovë, ku një person duke drejtuar mjetin tip Golf është përplasur me një motoçikletë.
Si pasojë e përplasjes, janë dëmtuar shoferi i motoçikletës dhe pasagjeri, të cilët ndodhen në Spitalin Rajonal Berat jashtë rrezikut për jetën.
Policia ka mbërritur në vendngjarje dhe po punon për zbardhjen e rrethanave të aksidentit, ndërsa si shkak paraprak dyshohet moti i keq ose shpejtësia tej normave të lejuara.
Discussion about this post