“Makthi” i Sarrit: Jam gati t’i shënoj edhe babait tim
Giovanni Simeone djali i trajnerit të Atletiko Madrid, Diego Pablo Simeone ka komentuar paraqitjet e tij dhe katërgolëshin e shënuar ndaj skuadrës së Lacios në fundjavë. Simeone në kohën kur luante për Fiorentinën i shënoi tre gola skuadrës së Napolit që drejtohej nga Sarri duke u kthyer kështu në një problematik për trajnerin italian.
“Kjo ishte padyshim një rastësi. Do të doja të shënoja kundër të gjitha skuadrave dhe të gjithë trajnerëve, madje edhe kundër babait tim nëse do të më duhej ta sfidoja”, përfundonte Simeone. Futbollisti luan prej disa sezonesh në kampionatin italian por pa mundur të bëjë kapërcimin e madh në karrierë për të luajtur me një skuadër që garon për objektiva madhor.
