Teksa armiku i padukshëm COVID-19, sot i mori jetën një të mituri 5- vjeçar në Sarandë, Ministrja e Shëndetësisë e ka kaluar pa asnjë reagim këtë rast të rëndë. Ajo çka shfaqet më “qesharake” në këtë çështje është se Ministrja përgjegjëse për shëndetin e popullit shqiptar, propagandat i vë në vend të parë. Së fundmi ajo ka njoftuar se në vend kanë mbërritur 117 mijë doza të vaksinës “Pfizer” ndërsa ka theksuar se janë pjesë e kontratës së dytë të qeverisë shqiptare më kompaninë.
‘Mbërritën në Shqipëri 117,000 doza të vaksinës Pfizer, pjesë e kontratës së dytë të qeverisë shqiptare me kompaninë. Deri tani kanë mbërritur në vendin tonë 2,496,960 vaksina anti COVID-19, për të vijuar pa u ndalur me vaksinimin “derë më derë”, për mbrojtjen e shëndetit dhe jetës së qytetarëve”, njofton ministria.
Por teksa u bën reklamë kompanisë e vaksinave, një i mitur humb jetën në vend dhe asnjë nga përgjegjësit nuk reagon.
