Prej kohësh fshati Zëmblak në bashkinë e Maliqit vuan nga mungesa e investimeve. Mësohet se në këtë zonë jetojnë rreth 200 familje, të cilat nuk kanë ujë të pijshëm.
Banorët shprehen për Gijotina.com se uji shkon në banesa vetëm në orët e para të mëngjesit dhe detyrohen të mbushin enët për konsumim gjatë gjithë ditës. Nga ana tjetër kanalizimet e ujërave të zeza nuk janë instaluar në gjithë fshatin, ku banorët hapin gropa septike në banesa.
Pavarësisht kërkesave drejtuar pushtetin vendor, kjo e fundit nuk ka reaguar e as ka gjetur zgjidhje për shqetësimet e banorëve. Të irrituar, banorët shprehen se pushteti lokal kthen vëmendjen drejt tyre vetëm në kohë fushate duke bërë premtime qe nuk janë mbajtur asnjëherë.
