Sulmuesi i përfaqësueses së Kosovës vijon të shkëlqejë në kampionatin spanjoll. Në ndeshjen e sotme në transfertë kundër Valladolid, bomberi dardan shënoi dy gola.
Në 53’ ai barazoi 1-1 përkohësisht rezultatin, duke ndezur shpresat e ishullorëve për të mos dalë pa pikë. Pak minuta më vonë rezultati u përmbys në 1-2 në favor të Mallorcas, por vendasit kundërpërgjigjen dhe e kthyen në 3-2.
Në fundin e ndeshjes, ku u mendua se Valladolid mori tri pikë, Mallorca barazoi shifrat. Ishte pikërisht Muriqi që shënoi nga pika e bardhë e penalltisë, duke i dhënë një pikë me vlerë skuadrës në luftën për mbijetesë.
Me këtë dopietë, “Vedati” ngjitet në kuotën e 12 golave në La Liga, 5 më pak se Robert “Bobby” Lewandowski kryesues.
Discussion about this post