Pas ankimimit të masës së sigurisë arrest në burg për Jamarbër Malltezin, mbrojtja e këtij të fundit i drejtohet me një tjetër kërkesë Apelit të Posaçëm duke kundërshtuar sekuestron mbi pasuritë e tij.
Në argumentet e mbrojtjes parashtrohet se pronat kanë burim të ligjshëm, nuk ka korrupsion, konflikt interesi apo element të pastrimit të parave. Sipas avokatëve të Malltezit, çdo veprim i ndërmarë nga qeveria Berisha, ka qenë në perbushje të qëllimeve të ligjshme të qeverisjes.
“Prona ka shkuar tek pronari i ligjshëm. Ndryshimi i destinacionit është bërë nga Bashkia Tiranë”, thuhet ndër të tjera në argumentat e mbrojtjes.
Ndaj Malltezit rëndojnë dy akuza në lidhje me privatizimin e ish-kompleksit Partizani: Korrupsion pasiv dhe pastrim parash.
Discussion about this post