Skuadra e Manchester United ka barazuar me rezultatin 1-1 në fushën e Chelseat. Të besuarit e trajnerit Kerrik kaluan të parët në avantazh me Sancho i cili përfitoi nga një pakujdesi e vendasve teksa më pas Zhorzhinjo shënoi golin e Chelseat nga pika e bardhë e 11 metërshit. Inkuadrimi nga stoli i Cristiano Ronaldos dhe Lukakut nuk ndikuan në rezultatin final. Me këtë rezultat Chelsea qëndron ende në krye të klasifikimit me një pikë më shumë se Manchester Siti që ndjek në vendin e dytë.
Të besuarit e trajnerit Pep Guardiola fituan me shifrat 2-1 përballë Uest Hamit në “Etihad Stadium”. Gundogan zhbllokoi shifrat e takimit teksa Fernandinho realizoi golin e dytë për Manchesterin përpara se miqtë të ngushtonin diferencat. Me këtë fitore Siti ngushton në një pikë diferencën me kreun e renditjes që mbahet nga Chelsea.
Discussion about this post