Ministrja e Shëndetësisë Ogerta Manastirliu njofton ardhjen e 30,000 doza të vaksinës AstraZeneca. Përmes një njoftimi në Facebook, Manastirliu shkruan se vaksinat janë dhuratë për vendin tonë nga Letonia.
“30,000 doza të vaksinës AstraZeneca i shtohen sasisë së vaksinave anti-covid të disponueshme në vend, falë mbështetjes dhe bujarisë së Letonisë”.
Ndër të tjera, ministrja shkruan se në vendin tonë janë kryer mbi 1.4 milionë vaksina anticovid.
“1,929,172 kanë mbërritur deri tani në Shqipëri, teksa janë kryer mbi 1,4 milion vaksina anti-covid”, shkruan ministrja.”
