Ministrja e Shëndetësisë, Ogerta Manastirliu, ka paralajmëruar sot në Kuvend vaksinim të detyrueshëm për të gjithë. Duke iu përgjigjur pyetjeve të kolegëve, ajo tha se do të merren akoma më shumë vaksina që deri në vjeshtën e viti 2022 të mos mbetet asnjë pa vaksinuar.
“Pandemia do të jetë fokusi ynë, do marrim masa për periudhën vjeshtë-dimër, të arrijmë mbulesën e plotë të vaksinimit. Do të sigurojmë dozat e nevojshme të vaksinave, ky proces vijon me ritme mjaft të shpjeta. Por, duhet angazhimi i të gjitha palëve. Doja të falënderoj mjekët, infermierët dhe laborantët që nuk hoqën dorë në asnjë moment. Para do të ketë edhe këtë vit 40% rritje pagash për ta, as bonuset nuk do të mungojnë. Do të investojmë më shumë tek shërbimi ambulant, për rimbursim ilaçesh, të kemi mjek disponibël për ta çuar atje ku janë nevojat. Do të kemi më pak investime në infrastrukturë.
Qeveria është angazhuar të sigurojë mbështetje financiare për çdo qendër shëndetësore, edhe mjetet e nevojshme për mjekët tanë.
Sfida jonë është të sigurojmë shëndetësor për çdo qytet. Arma jonë e fortë është vaksinimi. Do të blejmë akoma më shumë vaksina, që deri në 2022 të jenë vaksinuar të gjithë”, tha ajo.
Sipas ministres, pjesa më e madhe e fondit do të akordohet për vaksinimin.
