Ish-futbollisti Bledar Mancaku ka theksuar se skuadra e Teutës do të rikthehet shumë shpejt në garën për titull teksa ka theksuar se kampionatin e fiton skuadra që ka besimin dhe vendosmërinë më të madhe.
“Normalisht që diçka ndikon, por duke parë eksperiencën e lojtarëve që ka Teuta, besoj se është një moment që do ta kalojë si çdo herë tjetër kur ka pësuar disfata në kampionat. Gjithmonë pas humbjeve kanë reaguar shumë mirë dhe besoj e shpresoj që ta fitojnë në ndeshjen e radhës.
Gabime ka sa të duash, pasi ekipi është në ritëm e sipër. Rëndësi ka që janë marrë pikët më shumë se një sezon më parë, por edhe ambienti në Durrës të jep mundësi që të punosh në qetësi dhe ky moment do të kaloj.
E kam thënë edhe herë të tjera, kur ke lojtarë me eksperiencë, çdo gjë është edhe më e lehtë. Ajo që mendoj se na duhet tani, është besimi dhe vendosmëria. Është një moment i rëndësishëm, por edhe lodhja duket qartë tek ekipet që kanë qenë në Europë. Mendoj se kush do ta menaxhojë më mirë, do të fitojë edhe titullin kampion”, tha Mancaku.
Discussion about this post