Pas serisë emocionuese të penalltive, është mbyllur edicioni i vitit 2023, i Superkupës së Europës.
Në takimin e luajtur në stadiumin e Pireut, Manchester City dhe Sevilla, na dhuruan 90 minuta spektakolare, të cilat vlenin shumë për të dyja skuadrat.
Pas barazimit 1-1 (golat nga: En Nesiri në minutën e 25’ për Sevillan, Palmer në minutën e 63’ për Cityn), në fund, fati i buzëqeshi Cityt, që u tregua më saktë nga pika e bardhë e penalltive.
Ky ishte trofeu i parë për këtë klub, duke i dhënë një motivim shtesë për sezonin që sapo ka filluar.
Kjo finale, ishte unike në llojin e saj, për faktin se ishte e para finale e këtij kompeticioni që u vendos direkt nga penalltitë, pa “vënë në skenë” kohën shtesë prej 30 minutash.
Për Manchester City-n, ky ishte trofeu i 15-të zyrtar, nën drejtimin e Pep Guardiolës, një rekord që vazhdon të përmirësohet, për teknikun spanjoll, i cili do kërkojë të triumfojë gjithashtu në Kupën e Botës për Klube, që këtë sezon, zhvillohet në Arabinë Saudite, në muajin dhjetor.
Ndërkohë, për Sevillan, kjo ishte finalja e gjashtë e Superkupës UEFA, në të cilën ata duhet të mjaftohen me vendin e dytë, në shtatë finale të zhvilluara në total./m.b /gijotina.com
Discussion about this post