Ka përfunduar përballja e javës së 18-të në Premier Ligën angleze ku Manchester City luajti ndeshjen në transfertë kundër Newcaslte, të cilën e fitoi me rezultatin 4-0.
Skuadra e Guardiolës e mori kontrollin e lojës që në minutat e para, ku arriti të realizojë një gol të shpejtë me Dias në minutën e 5’. Cancelo do të dyfishonte avantazhin e pjesës së parë duke shënuar gol në minutën e 27’, i cili ishte dhe vendimtar për fatin e kësaj pjese që u mbyll në 2-0.
Fillimi i pjesës së dytë do ta gjente sërish sulmin e City-t të papërmbajtshëm, ku në minutën e 63’ trefishojnë avantazhin me Mahrez, i cili shfrytëzoi më së miri asistin e Zinchenkos për të finalizuar në rrjetën e Newcastle.
Goditjen përfundimtare në këtë përballje do ta jepte Sterling, i cili në aksionin e nisur nga Gabriel Jesus, do të arrinte të shënonte golin e katërt, që vendosi edhe fatin e takimit që u mbyll në shifrat 4-0.
Përfundimi i kësaj përballje forcon pozitat të Manchester City në krye të Premier Liga, që arrin fitoren e pestë radhazi, duke grumbulluar 44 pikë, i ndjekur nga Liverpooli i vendit të dytë me 40 pikë.
Discussion about this post