Merkatoja e verës ishte e bujshme për rekordmenët e Anglisë, Manchester United. Drejtuesit e klubit i vendosën në dispozicion trajnerit Solskjaer disa nga emrat më të mëdhenj të futbollit botëror por rezultatet në këtë start kampionati kanë qenë zhgënjyese. 20 herë kampionët e Anglisë renditen të 6-tët në kampionat dhe pas disfatës së dhimbshme në fushën e Leicester City-t në fundjavë pozicioni i Ole Gunnar Solskjaer në stol ka pësuar tronditje të forta .
Trajneri nuk është treguar efikas me ndërtimin e skemave për të cilën ka marrë edhe shumë kritika në ishull. Fitorja e sotme ndaj Atalantës ka përmirësuar paksa pozitat e tij por prioritet tek kjo skuadër është kampionati. Në skenë është shfaqur trajneri Zinedine Zidanë si pasuesi ideal i Solskjaer teksa në ditët në vazhdim do të qartësohet më tepër kjo panoramë.
