Manchester City ka mposhtur me rezultatin 2-1 skuadrën e Fulhamit në duelin e javës së 34-rt të Kampionatit Anglez të Futbollit.
“Sky Blues” vinin në këtë sfidë të vetëdijshëm se me një sukses do të parakalonin Arsenalin në krye të renditjes.
Ashtu siç pritej, djemtë e trajnerit Pep Guardiola, nuk e humbën mundësinë e artë.
Në Craven Cottage, sfida u zhbllokua që në minutën e 3’, falë bomberit norvegjez Erling Håland, i cili u tregua i saktë nga pika e bardhë e penalltisë.
Megjithatë, kur përfundoi çerek ora e parë e lojës, Carlos Vinicius barazoi rezultatin për kryeqytetasit, duke i dhënë shpresë dhe tifozëve të Arsenalit. Shpresa e tifozëve, si të Fulham ashtu dhe të Arsenal, zgjati pak sepse City kaloi përsëri në avantazh, në minutën e 36’, falë super golit të shënuar nga Julian Alvarez.
Në pjesën e dytë pati kohë vetëm për disa kartonë të verdhë dhe raste për gol jo efikase nga të dyja skuadrat me City-n që mori tre pikët e rëndësishme për garën drejt titullit kampion. /m.b /gijotina.com
Discussion about this post