Kombëtarja e Italisë sfidon Spanjën në gjysmëfinalen e Ligës së Kombeve, sfidë e cila do të luhet në “San Siro”. Trajneri i axurrëve, Roberto Mancini ka theksuar se iberikët janë skuadra e vetme që i vendosën italianët në vështirësi në kampionatin europian dhe sipas tij duhet shumë kujdes.
“Spanja ishte skuadra që na vendosi më shumë në vështirësi gjatë Europianit. Është një skuadër e fortë, me lojtarë të mirë. Do të jetë një ndeshje e bukur. Ata janë të aftë në mbajtjen e topit, ndërsa ne nuk kemi pasur kohën që të arrijmë në nivelin e tyre. Por këtë herë do të jetë ndryshe. Zakonisht “San Siro” është plot kur luan kombëtarja. Do të ishte fantastike të fitonim Ligën e Kombeve menjëherë pas Europianit dhe të kualifikoheshim për Kupën e Botës, por nuk do të jetë e thjeshtë”, tha Mançini në një prononcim për faqen e UEFA-s.
