Kombëtarja e Italisë fitoi sonte në mbrëmje ndaj Belgjikës me shifrat 2-1 duke siguruar vendin e tretë në kompeticionin e Ligës së Kombeve. Trajneri i kampionëve në fuqi të Europës, Roberto Mancini deklaroi pas ndeshjes se skuadra e tij duhet të kishte luajtur ndaj Spanjës sikurse me Belgjikën ndërsa u ndal më pas tek kualifikueset e Botërorit.
“Do të luanim kështu dhe me Spanjën, por me 10 futbollistë është e vështirë të bësh një ndeshje të rregullt. Përndryshe do të kishte qenë si sot, djemtë e luajtën shumë mirë. Në mesfushë kemi zgjidhje të ndryshme dhe lojtarë me shumë cilësi. Do të jetë një ndeshje e vështirë, siç ishte në Kampionatin Europian. Ne luajmë në shtëpi, do të jetë ndeshja e vitit pas atyre evropiane. E dimë që duhet të fitojmë”, u shpreh Mançini.
