Kryetari i Bashkisë Tiranë, Erion Veliaj, do të shpenzojë 30 milionë lekë për të blerë suvenire. Lali Eri duket se merr këshilla nga shef Rama, duke qenë se ky i fundit ka shpirt artisti dhe ka ide kreative për dhurata. Sepse përveç arredimit të zyrës, këto suvenire përdoren edhe për dhurata ndaj miqve që i shkojnë ën zyrë.
Për këtë Bashkia Tiranë ka zhvilluar një tender me objekt ‘BLERJE SUVENIRE’ dhe fond limit 30 milionë lekë. Kontrata është firmosur me datë 26 maj dhe fitues është firma “P I R R O” sh.p.k, në pronësi të Spiro Ruços.
Emër i dëgjuar për tenderët me shifra marramendëse dhe të parregullt që fiton nga institucionet publike. Ndërkohë, edhe këtë tenderë e ka përfituar në kundërshti me ligjin. Sepse firma e Ruços ka qenë e vetmja që ka paraqitur interes për këtë tender, duke kërkuar për këtë shërbim sa 99% e fondit limit. Këtu nisi shkelja e parë, ndërsa është pasur nga fakti qe Veliaj, pa zhvilluar garë fare, në mungesë të konkurrencës ia ka dhuruar këtë tender Ruços. Për mos respektimin e këtyre dy kritereve bazë, ky tender ka marrë “Red Flag” nga portali monitorues Open Data Albania.
Skandali thellohet edhe më tej kur shohim se Veliaj çdo vit i ndryshon suveniret e zyrës dhe duket se këtë e ka kthyer në një hobi. Dhe në çdo vit fituesi është Spiro Ruço.
Në vitin e shkuar Gijotina.com denoncoi se si Lali Eri shpenzonte miliona për suveniret në një kohë kur vendi ndodhej në kohë krizë ekonomike dhe energjetike. Në 22 qershor të vitit 2022 Bashkia Tiranë hapi tenderin për të blerë suveniret, për të cilin u shpenzua 20 milionë lekë. Më 7 korrik fituesi i këtij tenderi u shpall firma “P I R R O” sh.p.k.
Ndërkohë një vit më herët Veliaj kishte mbyllur një tender me vlerë 10 milionë lekë për blerje suveniresh për zyrën e tij. Dhe ai tender është zhvilluar në shkelje të ligjit.
Open Data e ka renditur atë si tender me flamur të kuq, pasi në garë ka marrë pjesë vetëm një kompani; “P I R R O” Sh.p.k.
Gjithashtu, edhe në vitin 2020 PIRRO ka fituar 25 milionë lekë tender pa garë, pasi arredoi me suveniret të ndryshme zyrën e Veliajt.
Ndërkohë lind pyetja, çfarë bënë Veliaj me suveniret që ka përdorur një vit më parë, apo i mbledh në zyrë për koleksion. I kërkojmë SPAK të bëjnë ndonjë xhiro nga zyra e kryebashkiakut e të shohë çfarë bëhet. Se aq para një qytetarë i thjesht nuk i shpenzon për nevojat jetike.
Lexo edhe: Veliaj zhytet në luks, harxhon 40 milionë lekë për karrige rrotulluese dhe suvenire
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post