Këshilli për Legjislacionin vendosi ti japë një kohë prej 3 javësh ekspertit Krenar Loloçi për t’iu përgjigjur pyetjeve të anëtarëve të Këshillit për vendimin e Gjykatës Kushtetuese, lidhur me mandatin e Olta Xhaçkës.
Deputeti Gazment Bardhi e cilësoi vendimin si një zvarritje të procesit me qëllim për të mos zbatuar vendimin e Gjykatës Kushtetuese.
“Siç e kemi paralajmëruar është thjesht strategji për të zvarritur zbatuar vendimin e Gjykatës Kushtetuese, strategji për të marrë në mbrojtje ministren Olta Xhaçkën. Do marrin dhe 3 muaj kohë se do thonë eksperti ka shumë punë. Tallje e marre me Gjykatën dhe Kushtetutën, zvarritje e procesit”, tha Bardhi.
Ndërsa deputeti Saimir Korreshi ka ironizuar qëndrimin e kolegëve të tij socialistë, madje nuk nguroi që të shprehet se ata po sillen si budallenj.
“Ne propozojmë, miratojmë ligje për 3 milionë e kusur shqiptarë dhe çuditërisht del e nevojshme për profesionist për të lexuar një vendim gjykate.
Pjesa më e madhe avokatë të mirë. Kam një kërkesë, propozoj një ekspert tjetër, neuro-psikiatër. Ore ne jemi apo bëjmë si budallenj? Nëse jemi për budallenj të ndryshojmë. Dhjetë juristë të mos dinë të lexojnë një vendim gjykate. Me duket e çuditshme, ore të ndryshojmë profesionin. Të marrim një raport mjeko-ligjor që jemi të aftë për të ushtruar profesionin”, theksoi Korreshi
Discussion about this post