Ish-ministri i Drejtëssisë, Ylli Manjani, thekson se arrestimi i Fredi Belerit në Himarë është i paligjshëm.
Sipas tij, të gjitha dëshmitë apo videot që policia dhe prokuroria pretendon se i ka prova të forta, janë fiasko.
Postimi:
Unë nuk jam avokati i Fredi Belerit, por kjo nuk më ndalon të përsëris që arresti ndaj tij ishte dhe është i paligjshëm.
Siç po del çdo ditë edhe në publik, të gjitha dëshmitë apo videot që policia dhe prokuroria pretendon se i ka prova të forta, janë fiasko.
Në fakt që ditën e parë, kur lexova aktin e arrestit në flagrancë krijova bindjen se arresti është i paligjshëm. Asnjë shenjë flagrance nuk duket e rekorduar në atë akt.
Kush të dojë le të bëjë politikë sa të dojë, por faktet janë kokëforte.
I kuptoj edhe ata që shkumëzojnë kundër personit në fjalë. Por ajo që nuk kuptoj dhe as e pranoj është të mohosh që arrestimi është i sajuar dhe haptazi i paligjshëm.
Ai arrest është në vetvete është dhunim kushtetues i lirive dhe të drejtave të individit. Model i shëmtuar hakmarrjeje politike. Ndërhyrje e pastër e pushtetit në zgjedhjet e lira. Dhunë politike dhe ligjore jo proporcionale.
As më plas fare nëse këto konkluzione i ka edhe shteti grek për këtë rast.
E vërteta është e vërtetë.
P.s. Kush ka helm shtesë me Fredi Belerin është i lutur ta kanalizojë pranë tij, jo tek unë. Mua më intereson rasti si kazus publik, jo personi dhe karriera e tij.
Discussion about this post