I ftuar në televizionin shqiptar “SYRI TV”, ish-ministri i Drejtësisë Ylli Manjani ka folur për vendimin e arbitrazhit, i cili detyron Shqipërinë t’i paguajë 110 mln euro Francesco Becchettit.
Manjani e quajti një papëgjegjshmëri politike, në mënyrën që ky pushtet funksionon si ‘mall i babës së vet’ pa e llogaritur që çdo vendim që merr dhe çdo para që harxhon është e shqiptarëve.
Gjithashtu Manjani ka theksuar se vendimi i arbitrazhit për t’i paguar 110 milionë euro Francesco Becchettit, është provë fatale se si pushteti politik i ka hipur në qafë shtetit për të bërë shantazh dhe presion për të marrë nën kontroll median e lirë që në këtë rast po flasim për një televizion i cili është ndëshkuar nga pushteti politik.
“E gjitha kjo e ka një emër që quhet papërgjegjshmëri politike, jo në kuptimin e papërgjegjshëmrisë para ligjit, por që ky pushtet funksionon si mall i babës së vet pa e llogaritur që çdo vendim që merr dhe çdo para që harxhon është e shqiptarëve.
Së dyti, është provë fatale se si pushteti politik i ka hipur në qafë shtetit për të bërë shantazh dhe presion për të marrë nën kontroll median e lirë që në këtë rast po flasim për një televizion i cili është ndëshkuar nga pushteti politik.
Së treti, papërgjegjshmëria thellohet kur zyrtarët më të lartë të qeverisë, kryeministri dhe zëvendës/kryeministri marrin një pozicion sa qesharak dhe absurd duke thënë jo po ska ndodhur gjë, jo po nuk paguajmë lekë dhe të gjitha këto janë kot fare pasi do t’i paguajnë si ‘Çeço’ por jo nga paratë e tyre por nga paratë tona dhe kjo është ngjarje e dhimbshme në kuptimin e financave publike, është një keqmenaxhim i dukshëm.
Është një nga ato rastet flagrance të keqmenaxhimit të financave publike. Ministri i Financave hesht kur sot duhet të kishte ulëritur. Në të tilla raste duhet të reagonte në mënyrën më ekstreme të mundshme duke ofruar edhe dorëheqjen në këtë poshtërsi politike.
Nuk ekzistojnë këto diskutime në asnjë shtet të botës, as në Rusi nuk ndodhin këto gjëra”, deklaroi Manjani.
Discussion about this post