Ish-ministri i Drejtësisë Ylli Manjani ka reaguar në lidhje me dy standardet që aplikon SPAK në lidhje me politikanët. Sipas tij, SPAK disa i fut në rrjet në emër të reformës në drejtësi, ndërsa për të tjerë e shkelë këtë reformë. Një nga të privilegjuarit, sipas Manjanit, është kryetarin Bashkisë Tiranë. Përmes një postimi në rrjetin social Facebook, Manjani shprehet se pavarësisht që Erion Veliajka hedhur firmën në emër të këshillit Bashkiak të Tiranës për inceneratorët, nuk është marrë asnjë ditë si i pandehur.
Sipas Manjanit, është e patolerueshme dhe abuzuese që SPAK nuk ka vulosur të njëjtën fat për Veliajn si kolegu i tij në Bashkinë e Lushnjës, Fatos Tushe, i cili mbahet prej disa muajsh në burg, për një tender disa dhjetëra fish më pak se dosja e inceneratorëve.
“Nuk e di saktësisht çka bërë kryetari i Bashkisë Lushnje që është vënë nën arrest, por kjo letra që ka firmosë Erion Veliaj në emër të të gjithë qarkut Tiranë është flagrante! Fatale fare! Në superarrest duhet të ishte për më shumë arsye dhe logjikë që çuan në arrestin e atij të Lushnjës.
Unë nuk nxis e as mbështes arrestime të pakuptimta, ca më keq të nxitura nga deklaratat politike, por paktën për barazi para ligjit Veliaj duhet të ishte në burg. E lemë mënjanë faktin fatal që dëmi që sjell letra e Erionit është ku e ku më i madh sesa një tender kanali që paska bërë keq bashkia (jo detyrimisht kryetari) e Lushnjës”, shkruan ai, duke bërë thirrje SPAK që të veprojë me transparencë.
Discussion about this post