Marash Kumbulla festoi datëlindjen e tij të 23 në ditën e djeshme. Mbrojtësi shqiptar vendosi që ta ndante gëzimin e tij edhe me disa fëmijë shqiptarë. Kështu lojtari i Romës dërgoi një komplet edukativ për 120 fëmijë në Burrel.
Lapsa, stilolapsa, fletore dhe çanta shpine u mundësuan për ta falë zemërgjerësisë së Kumbullës.
“Përshëndetje djema, doja t’ju përshëndesja dhe t’ju uroj suksese në fillimin e studimeve. Ju lutemi mbani mend se edukimi dhe sjelljet e mira janë të rëndësishme. Kjo është vetëm një ndihmë e vogël që kam për ju, por gjithçka fillon nga ju! Shpresoj që një ditë të shihemi dhe të kalojmë një ditë të lumtur së bashku. Suksese djema”, thotë në mesazhin e tij mbrojtësi.
“Dikush ka thënë se lumturia e vërtetë është nëse ndan gjëra dhe buzëqeshjet e këtyre fëmijëve janë tregues se kjo është e vërtetë. Fëmijët e kopshtit 3 në Burrel kanë marrë një dhuratë të veçantë nga ana e Kumbullës në ditën e lindjes së tij”, shkruhet në faqen e organizatës ndërkombëtare “Save The Children Italia”.
Discussion about this post